اخوانى الاعزاء هو مجرد راى وقد يتفق معى البعض وقد يختلف والاختلاف فى الراى لا يفسد فى الود قضيه وفوق ذلك اختلاف الاراء من اسس الديمقراطية .
اتابع فى هذه الايام على الفيس بوك فى مجموعة الحمراوى اراء الاخوه وتعليقاتهم على موضوع الانتخابات والمرشحين وارى الانقسام واضح فيما بينهم على هذا المرشح او غيره من المرشحين وعلى الطريقة التى يمكن الاتفاق عليها لدعم مرشح واحد ليكون له الحظ الاوفر للنجاج وتمثيل قريتنا والقرى المجاورة ويساهم فى حل مشاكلنا ويكون على مستوى تطلعاتنا .
فاغلب المرشحين والحمد لله وهذا ما اظنه على قدر كبير من المسئولية ويهمهم فعلا خدمه البلد ولكل واحد منهم مؤيديه ومنهم من يؤيد عن قناعه منهم من يؤيد من باب المجامله والقرابه .
وقرات جميع التعليقات للاخوه الافاضل فى مجموعة الحمراوى وكلها تدور فى حلقة مفرغه وفى النهايه كالعادة لم ينجح احد ما دام هناك اكثر من مرشح واحد .
فكل مرشح يرى فى نفسه انه الاجدر والاصلح لتولى هذا المنصب عن غيره مازال يسمع منى ومنك ذلك ولا يمكن ان يتنازل لغيره وهو يرى ويسمع عبارات التأيد والولاء من كل حدبأ وصوب
وكأننا لم نأخذ العبرة والموعظة من المرات السابقة يا اخوان الحكاية مش بالكلام ولا بدعوة فلان على صفحة فلان وانا شخصيا دوعيت على صفحة فلان وكتبت بالتوفيق يا استاذ فلان . واللى كاتب مش عارف نودى فلوس الدعايه فين واحنا كلنا كمغتربين نقطه فى بحر المصوتين ويمكن كثير منا لم يحالفه الحظ بالادلاء بصوته
فالاولى بالنقاش ان نتفق انا وانت اولاعلى المرشح الاصلح لنا جميعا وندعوه نحن للترشح ويكون المنصب هو الذى دعاه وليس العكس وتكون دعايته منا وفينا انا وانت من يتحملها ونقوم بتوعيت الناس نكسب تأيدهم لهذا الشخص من خلال الشباب الواعية من اهل بلدنا وحين نتفق على هذا الشخص يبدأ كل واحد فينا باهله وعائلته واصدقائه ومعارفه واظن انه فى كل بيت فى الحمراوى يوجد على الاقل واحد مغترب اما الكلام فى المجموعات وخلافه لا يفيد بل يزيد الفرقة طالما مازلنا لم نتفق على الشخص المنشود

والله الموفق

إستاذ علي كلامك مضبوط ميه بالميه بس في اكتر من مشكلة بتقابلنه
أولا : إزاي نتفق كلنا علي مرشح واحد يعني الطريقه
ثانيا : لو فرضنا واتفقنا كلنا علي واحد إزاي هنقنع الباقين ميدخلوش الانتخابات
لان لو اكتر من واحد دخل اكيد هتتشتت الاصوات في البلد ودي مشكله كبيره
ثالثا : إن كل واحد من المرشحين شايف نفسه هو الأصلح لاسباب في دماغه
رابعا : إننا ذي محضرتك تفضلت المغتربين بالاخص ومستخدمي النت
مش العدد الكافي لنجاح مرشح
خامسا :ان الشباب ومستخدمي النت مشكلتهم برده كل واحد شايف نفسه صح
وان رايه هو اللي صح وده باين من خلال المناقشات
سادسا : وهي الاهم ان صفحة الحمراوي علي الفيس بوك
للأسف ملهاش روابط تحكمها
سابعا : إن الحمراوي لوحدها مش كافيه انها تنجح مرشح حتي لو اتفق عليه الجميع

يعني الموضوع من وجهة نظري اكبر من تجمع علي النت ده لازم يكون هناك تحرك فعلي
من ناس في البلد يكونوا علي قدر من الثقافه والمعرفة للتحاور مع المرشحين
لمحاولة اقناعهم .ويقوموا بتوعية توعية الاهالي وتوجيهم للصح

وده رائي الشخصي قد يتفق معايا البعض او يختلف
وعموما الاختلاف في الرئي لا يفسد للود قضيه