لنفعل ولا نتكلم

مشرف منتدي الفيديو

طاب كثرة الكلام ماراح تنفع ولا تقدم بشيئ ولا تأخر ايه رايكم في مشروع غاز ويكون مستودع خاص بالقريه لنغطي احتياجات الناس في أزمة الغاز وجشع التجار بزيادة تعرفه الاسطوانه وتكون مثلاً ممثلة بقطعه أرض صغيرة بسوق الحمراوي ونتكلف بإجارها حتي يقف المشروع ويكون تحت مسؤليه عضو مجلس الشعب القادم اي كان من بلدنا الحبيه ويكون في خطته المستقبليه للبلد
أرجو الاهتمام بيه وانا اول المتبرعين معاً وليوفقنا الله لنبدأ بيد واحده وتتوالى المشاريع بقلب واحد ويد واحده وفكر واحد من اجل بلدنا الحبيبه
طارق حسن سيداحمد ( ابو حسن )

طارق حسن سيداحمد

المدير العام

مشروع صح مليون بالمية يا استاذ طارق وانا معاك فيه بس عايزين له دراسة جدوي
ونعرف ايه المطلوب وان شاء الله الكل هيشارك فيه لان موضوع الغاز ده موضوع
مهم جدا واحنا سامعين عن ازمة الغاز الحالية بالحمراوي ولازم يكون لها حل
ان شاء الله بالتعاون

ابراهيم درويش

المشرف العام علي كافة المواضيع

هى احسن الافكار الى الان ونريد فعلا ان ننمي هذه الفكرة وتكون ملموسة

وفعلا يجب ان يكون هناك دراسة للموضوع كامل
وبما انكم طرحتم الموضوع فان اوضح نقطة بسيطة عليكم بان الغاز الطبيعى وصل من سخا الى العماير المجاورة
للحمراوى وسيكون سعر الغاز من الدولة الى المستهلك مباشرة وعفوا فانا اقتح اننا نتفق اولا على تقديم طلب توصيل الغاز الطبيعى الى باقي القري المجاورة ومنها الحمراوى حتى اذا تبرع كل بيت او كل شقة بمبلغ رمزي مساهمة فى التوصيل وهذا ما فعلانة للمجاري
وبتوصيل الغاز الطبيعى لباقي القري سيقلل سعر امبوبة الغاز على باقي القري حيث انها ستكون متوفرة وللعلم اننا فى تطور دائم وسياتى علينا وقت يلغي انبوبة الغاز وسيكون الاستاعنه بالغاز الطبيعى هو المنتشر بمصر كلها وان لم يتم التواصل لتوصيل الغاز للقرية يمكننا تدبير امر امبوبة الغاز لعمل المستودع المطلوب باذن الله

اشرف القط

مشرف منتدي اخبار الحمراوي

فكره جميله يا طارق واحنا معاك وزى ما الاخ ابراهيم قال عايزين دراسه جدوى والله الموفق

ali.allam

مشرف منتدي الفيديو

ماشي يا اشرف انا معاك ان توصيل الغاز الطبيعي وصل سخا طاب ماتشوف سخا بقالها كام سنه دخليها مجاري وانت لسه شغال بالجرار الكل فاهم قصدي علي مايفكرو فينا انهم يدخلو الغاز الطبيعي للقريه يوصلهوها في شقه احمد ابنك ان شاء الله ربنا يحينا اجمعين نحرك نفسنا شويه ونبدأ والدراسة موجوده وهعرضها طبعا عليكو والكل هيبدو براي بدون خلاف حتي نتفق هذا هو شعارنا المستمر نعم ليد واحده نعم للتطور نعم للتغير للأفضل نعم للأتفاق ماهو عليه من اجل مصلحه الجميع بس ان شاء الله اعرض عليكو الفكر والدراسه ونبدأ نتناقش فيها بس لازم السرعه علي نخلص من الموضوع ده ولما يوصل الغاز الطبيعي نفكر نقلب المشروع لمحطة توليد كهرباء لخدمة البلد وعدم انقطاع الكهرباء كل يوم نخليها مره في الشهر وبعد كده مره في السنة وبعد تنتهي حاجه اسمها انقطاع الكهرباء الا عمال يخرب بيوت ناس كتير من تجار وصيدليات وادويه وخلافه فهمت ان الموضوع كبير اتمني الافاده والتشجيع والحماس في كل واحد بيحب بلدنا
اخوك طارق حسن

طارق حسن سيداحمد

مشرف منتدي أخبار كفرالشيخ

فكرة ممتازة وهناك مليون فكرة اكثر من ممتازة المهم التنفيذ وهى دى المشكلة اللى بتواجة الكل العمل التنفيذى عند كل المصرين مصر فيها 80 مليون فكرة ناجحة لكن المهم اليات العمل التنفيذى تبداء منين مع ان الموضوع مربح وواضح بس مين اللى هيبداء العمل بعدالتفكير ياشباب محتاجين الخطوات التنفيذية لكل فرد او مجموعة علشان تقف على اول الخطوات وتحسب انتا مشيت كام خطوة وراك وبافى كام درجة امامك . انا بتمنى المرة الجاية حد يقوالى انتا مطلوب منك 1او2واو 3 علشان نبداء فى تنفيذ اى شى ممكن نخدم بية اهليناء ونقدر نغير شى على ارض الواقع علشان نظرة الناس تتغير ويكون فية امل انشاء اللة

اسلام البسيونى

مشرف منتدي الفيديو

الاستاذ اسلام لك مني الف تحيه المطلوب مش مطلوب منك كام 1او 2 أو خلافه
المطلوب وقفه صح دراسة الجدوي موجوده وسأطرحها لكم عن قريب في المنتدي ان شاء الله بس الموضوع كله بسيط جدا اتمني ان يلتف اهل البلد حوله من مسؤلين والناس الكبيره بلم تبرعات من اهل القريه ودور شيوخ المساجد بعد كل صلاة مثلا يوم الجمعه بطرح هذا المشروع وتوعيته عند الناس ويتكلف بعض رجال الدين وكبراء البلد بلم هذه التبرعات يتبقي فقط العمل الفعلي للمشروع فأنا اتمني ان ينجح المشروع حتي في المستقبل ان شاء الله تكون الثقه متبادلة من أهل البلد إلينا بحيث لو تمكنا من دراسة مشروع اقوي تجد من يقف بجانبك
والله المستعان ان شاء الله
أخوك طارق حسن سيداحمد

طارق حسن سيداحمد

مشرف منتدي أخبار كفرالشيخ

انا معاك يا استاذ \طارق والفكرة ممتازة انا بقصد بى 1او 2 العمل التنفيذى فقط لان من فترة وعلى صفحة الفيس بوك طرحنا مشاريع كتيرة والكل بيائيد ومتحمس وفى الاخر زية زى اللى قابلة والمشكلة فى التنفيذ ونفسى نعدى المرحلة دى ونبداء فى اى عمل على ارض الواقع بالتوفيق لفكرتك اللى انا سعيد بيها جدا ويارب تتم على خير

اسلام البسيونى

مشرف المنتدي الاسلامي

أنا معكم داعماً مادياً واعلامياً ومعنوياً وكل شئ

لنفعل ولا نتكلم 22806_22296

دكتور أسامة القط