يا شباب والله دي مشكلة كبيره احنا بنقابلها اليومين دول
في ظل غياب الأمن وحتي بعد عودته
كل يوم نسمع عن سرقه بالاكراه وقتل وجرايم كتيير
ومعدش أمان في البلد الله المستعان
وربنا يسطرها ونعدي من الأزمه دي علي خير

يا أستاذ أشرف مع احترامي الشديد لرأيك تنفيذ الحكم العسكري مش معناه محاكمة برئ تنفيذ الحكم العسكري يعني تنفيذ الحكم بطريقه سريعه بدون انتظار للقضاء اللي كلنا عارفين زي ما بيقولوا إن حباله طويله وانا أوؤيد الحكم العسكري لان المصريين وخاصة البلطجيه مننا مينفعش معاهم الا كده وبالعكس الفوضي والظلم مش هتسود بل ستقل إن شاء الله وقالها مش فاكر مين زمان الشعب المصري عصايه بتفرقه وكرباج بيلمه ودي صحيح من وجهة نظري وأكبر دليل إن ايام الثورة ناس كانت بتموت وناس بتتعدي علي الاراضي الزراعية وبتبني عليها وكلنا عارفين الكم الهائل من الفداديين الزراعية اللي اتبنت في الكام يوم بتوع الثورة يعني من الاخر ناس بتموت وتضحي بنفسها وناس في موال تاني خالص وللاسف هو ده الشعب المصري أو بمعني أصح الاغلبية من الشعب المصري كل واحد بيقول يالله نفسي


!!!!!!!!!!!!!!!!!!!!!!!!!!!!!!!!!!!!!!!